Tuesday, June 25, 2024

జైలుకు వెళ్లినా బుద్ధి మార‌లేదు..

Must Read

అక్ష‌ర‌శ‌క్తి, హ‌న్మ‌కొండ : ద్విచక్ర వాహనాల చోరీలకు పాల్పడుతున్న దొంగను సిసిఎస్, కేయూసి పోలీసులు సంయుక్తంగా అరెస్టు చేసారు. నిందితుడి నుండి పోలీసులు రెండు ద్విచక్ర వాహనాలను స్వాధీనం చేసుకున్నారు. వరంగల్ పోలీస్ కమిషనర్ డాక్ట‌ర్ . తరుణ్ జోషి వివరాలను వెల్లడించారు. హైదరాబాద్, జ‌గ‌ద్గిరిగుట్ట‌ ప్రాంతానికి చెందిన గందేశీ శివకుమార్ హైదరాబాద్‌లో మెకానిక్ గా పని చేస్తుండగా వచ్చే అదాయం తన జల్సాలకు సరిపోలేదు. దీంతో దొంగ‌గా అవ‌తార‌మెత్తాడు. ద్విచక్రవాహనాలను చోరీ చేసి వాటిని అమ్మగా వచ్చిన డబ్బుతో జల్సాలు చేద్దామనుకున్నాడు.

2013 సంవత్సరం నుండి 2016 వరకు హైదరాబాద్, సిద్దిపేట ప్రాంతాల్లో ద్విచక్ర వాహనాల చోరీలకు పాల్పడటంతో పాటు ఒక హత్య కేసులో సైతం నిందితుడు కావడంతో పోలీసులు పలుమార్లు అరెస్టు చేసి జైలుకు తరలించారు. 2016 సంవత్సరంలో జైలు నుండి విడుదలై నిందితుడు 2019 సంవత్సరంలో వరంగల్ పోలీస్ కమిషనరేట్ పరిధిలోని జనగాం, బచ్చన్నపేట, మట్టేవాడ పోలీసు స్టేషన్ల పరిధిలో ఏడుకు పైగా ద్విచక్ర వాహనాల చోరీలకు పాల్పడటంతో పాటు జనగామ‌ పోలీసులు పీడీ యాక్టు నమోదు చేసి చర్లపల్లి జైలుకు తరలించారు. నిందితుడు గత నవంబర్ మాసంలో జైలు నుండి విడుదలైన అనంతరం తన పద్ధతి మార్చుకోలేదు. ఈ గత నవంబర్ 10న హన్మకొండలోని కేయూసి ప్రాంతంలో పార్కింగ్ చేసి వున్న రెండు ద్విచక్రవాహనాలను చోరీ చేసాడు.

ఈ చోరీలపై తక్షణమే స్పందించిన పోలీసులు డిసిపి పుష్ప‌ అదేశాల మేరకు సిసిఎస్, కేయూసి పోలీసులు ప్రత్యేక దృష్టి సారించారు. సిసి కెమెరాల ఆధారంగా పోలీసులు నిందితుడిని గుర్తించారు.
చోరీ చేసిన వాహనాన్ని కన్సల్టెన్సీలో అమ్మేందుకుగాను ద్విచక్ర వాహనంపై బయలుదేరగా కేయూసి జంక్షన్ వద్ద వాహనాల తనిఖీ నిర్వహిస్తున్న పోలీసులకు నిందితుడు చిక్కాడు. ద్విచక్ర వాహనచోరీలను అంగీకరించడంతో పాటు, నిందితుడు ఇచ్చిన సమాచారం మేరకు చోరీ చేసిన మరో ద్విచక్ర వాహనాన్ని పోలీసులు స్వాధీనం చేసుకున్నారు. నిందితుడిని పట్టుకోవడంలో ప్రతిభ కనబరిచిన క్రైం ఎసిపి బాబురావు, సిసిఎస్ ఇన్ స్పెక్టర్ రమేష్ కుమార్, కేయూసి ఇన్ స్పెక్టర్ జనార్దన్, ఎస్ఐ సంపత్, సిసిఎస్ ఎస్ఈ బాబురావు, ఏ.ఎస్.ఐ శివకుమార్, హెడ్ కానిస్టేబుల్ జంపయ్య, కానిస్టేబుళ్ళు విశ్వేశ్వర్, సుధాకర్, నర్సింగరావులను పోలీస్ కమిషనర్ అభినందించారు.

- Advertisement -spot_img
- Advertisement -spot_img
Latest News
- Advertisement -spot_img

More Articles Like This

- Advertisement -spot_img